चिऊताई

चिऊताई चिऊताई थांब जरा

तान्हुलीला पाहूदे तुला

तान्हुली आमची फार हट्टी

तुझ्याशी झाली तिची गट्टी

 

वाट रोज तुझी ती पाहाते

दारापाशी येवून उभी राहाते

खाऊ आणते पाणी आणते

तुझ्यासाठी गाणं म्हणते

 

चिऊताई चिऊताई रुसलीस का

झाडावर जावून तू बसलीस का

ये ग ये ग चिऊताई

खाऊ पाणी घेऊन जाई

 

भूर भूर येई चिऊताई

खाऊ पाणी पोटभर खाई

चिऊताई माझी फार हुश्शार

रोज तान्हुलीला भेटणार  

- ©गणेश पोटफोडे